“Бүрэн Скор” ХХК нь Монголбанкны тусгай зөвшөөрөлтэйгөөр Зээлийн мэдээллийн сангийн үйлчилгээ үзүүлдэг финтек компани.
Бид дэвшилтэт технологид суурилсан, ухаалаг шийдлүүдээр Зээлийн мэдээллийн сангийн үйлчилгээг шинэ түвшинд гаргаж, Монгол Улсын санхүүгийн зах зээл дэх мэдээллийн тэнцвэрт байдлыг хадгалж, иргэдийн санхүүгийн хүртээмжийг нэмэгдүүлэхэд дэмжлэг үзүүлнэ.
Олон улсын стандарт аргачлалын дагуу боловсруулсан, эрсдэлд суурилсан, оролцогч талуудад оновчтой шийдвэр гаргахад туслах зээлийн мэдээллийн бүтээгдэхүүнийг нийлүүлэх замаар санхүүгийн зах зээлийн хүртээмжийн өсөлтөд бодитой хувь нэмэр оруулах финтек компани байна.
Мэргэжлийн ёс зүйтэй, бүтээлч мэргэжилтэнг бэлтгэнэ.
Орчин үеийн технологийн хөгжилтэй хөл нийлүүлнэ.
Санхүүгийн боловсролтой, сахилга баттай иргэдийн тоог нэмэгдүүлнэ.
Хариуцлагатай, найдвартай хамтын ажиллагааг эрхэмлэнэ.
Зээлийн үйлчилгээ үзүүлэгч байгууллагын тогтоосон шаардлагын дагуу өөрийн хэрэгцээ болон бизнесийн үйл ажиллагаанд шаардлагатай санхүүжилтийг тодорхой хугацаатай, хүүтэй, эргүүлж төлөх нөхцөлтэй авахыг “зээл” гэж энгийнээр ойлгож болно. Харин авсан зээлээ захиран зарцуулах, эргүүлэн төлөх харилцаанд хувь хүний зээлийн боловсрол чухал нөлөөтэй.
