Өмнө нь зээл төлөлтийн муу түүхтэй иргэдийг “хар жагсаалтад орсон” гэж үзээд, зээл олгох боломжийг нь бүрэн хаадаг байсан.
Гэвч Зээлийн мэдээллийн тухай хуулийн нэмэлт өөрчлөлтөөр энэ хатуу шалгуур хүчингүй болж, оронд нь оноонд суурилсан үнэлгээний зарчим нэвтэрсэн.

Одоо иргэн бүрийн зээлийн түүхийг оноо (Бүрэн Оноо) хэлбэрээр илэрхийлдэг.

• Зээлээ хугацаанд нь төлж, хариуцлагатай байвал оноо өндөр байна.

• Хугацаа хэтрүүлсэн, удаа дараа төлбөрийн доголдол гаргасан бол оноо буурна.

Ингэснээр зээлдэгчийг өнгөрсөн нэг алдаагаар бус, одоогийн зээл төлөлтийн хандлагаар илүү бодитоор үнэлэх боломж бүрдсэн юм.
Товчхондоо, “хар жагсаалт” гэдэг ойлголт онооны системээр орлогдсон, харин муу түүх нь оноонд бага нөлөөтэй хэлбэрээр тусдаг гэж ойлгоорой.